صَبآح / مَساء الحُب بَيوم باريسي حَل على أجواء مدينة الرياض الحَبيبه قَررت أطلع وَ أتعشى وَ أتنفس هالنَسيم العَليل ,, بَتاريخ 1 - 4 - 2012عاد كَل ما قَلت بَصور مَطعم يَحسبونه كذَبه أبريل آحم أحم ، تَرى بالمُوت قَررت أصَور مَطعم ، وَ إن شاء الله ما يَكون أخر شيء أصَوره كَجوله خآرج المَنزل لأن وَ الله كَل شيء وَ لا البَرستيج عَندي يَهتَز كأني أول مَره أشَوف مَطعم أو أول مَرة أشوَف أكل ، على بلاطه كأني ما شَفت خَيرلَكن قآومت حَتة عَزة النفس ذَي وَ صَورت وَ كل شيء لأجل بَنات شَموآه يَهون هُو الوَضع ببلد غَير السَعوديه عادي بَس هَنا تخافين أحد يَقولك مَمنوع وَ غيره , وَ أنا ما أحب أحد يَردني بَنكسف دآخل نَفسي وَ إذا أنَكسفت !!! ما بَتشوفوني بَشمواه <--------------------- لا عآد مو لهدرجة وَ بالحَقيقة وَ الواقع من الحَرج حتى الكاميرا فَقدت ذاكرتي بَها كَيف تَشتغل , كَيف تَصور , نَسيت كل أبو أعداداتي , حَسيت أماكن الأزرار تَغيرت [ أنا وَ أنا ما مَعي حَقوقي مُش أنا ,, أرحمونا وَ خلونا نَصور مَثل دُول برآ ] طَبعاً أنا وَحدة مع النَظام , وَ أقدس أحترام المَواعيد [ ههههههههههههه بَتقولون وَين رآحت مَواعيد عَرقوب ] لا بَس بالأنترنت أنا عَرقوبه , وَ بالأعراس لَكن مَواعيد عيادة , صآلون , زيارة لأحد , مَطعم أمشي سَتريت المُهم يوم السبت الساعه 10.30 دَقيت على كرم بيروت حَجزت مَوعد على الساعه 10 ليوم الأحد لـ 3 - 4 أشخاص لأن ما كَنت متأكدة من العَدد وَ كلوز آيريآ ( يَعني مَنطقة مُغلقه ) بآرتشن , لَزوم التَصوير وَ لا أنا ما أنصح بالأماكن المُغلقه نَهائياً مَوقع كرم بيروت بمدينة الرياض ‘، شارع التحليه ( شارع محمد بن عبدالعزيز ) بين تشيلز وَ متجر نادي الهلال وَ هذي خريطة المَوقع  نُبذة عن كرم بيروت ~أول مَطعم أفتتح بعام 1960 ببيروت وَ هو يَرجع لعائلة كرم وَ إللي يَنزل عالشام تقريباً راح يَلاحظ إن المَطاعم الشامية غالباً تنقسم لـ قسمين أو ثلآث أقسام كَوفي وَ ووجبات سَريعه وَ مَطعم رآقي وَ كلها تَحمل نَفس الأسم وَ هالشيء يَسري على سلسلة مَطاعم كرمKaram Beirut | كرم بيروت وَ يعتبر المَطعم الراقي من سلسلة كرم Karam Café | كرم كافيه مَثل أروما كافيه و هالكوفيات إللي تقدم وجبات بسيطة بالإضافة للقهوة وَ ملحقاتها Karam Express | كرم أكسبرس مُصغر عن كرم بيروت و بشَكل أسرع وَ أقل كلافة من ناحية السَعر نُروح لـ تَقريري ،’ صَورة المَطعم من الخارج  قَسم العَوائل , عاد حاطين وَرقة شَكلها حَزين مو مَتكلفه مَكتوب ترى نَقفل قبل الأذان بربع ساعه , شَكلهم مَغصوبين عليها هههههههههه ما تَعبوآ نفسهم فَيها .. فَيو آخر ,, طَبعاً دَخلنا وَ سألنا عن الحَجز إللي بأسمنآ وَ على طُول دايركت على طاولتنا الجَو العام بالمَطعم ~جَو لبناني , وَ أغلب رَواد المَطعم لَبنانيين , رُبما بالوَيكيند الأغلبية يَكونون سَعوديين الله أعلم أنا ما أحب أروح بالوَيكيند , غالباً طَلعاتي وَسط الأسبوع هُروباً من تَكدس البَشر وَ الزحمة إللي لا مَفر مَنها حَتى بالأيام العادية غالباً العَيل الخَليجية آلاحظها تَدخل بعد الساعة 11 هُم وَ بزرانهم عَفاريت وَش هالبزَر إللي صاحي للساعة 11 الليل ,, وَ أشَوف من مساويء المَطعم دُخول الأطفال المُزعجين من نَوعية الفُريرة لَه .. لذلك إما يَمنعنون دُخول الأطفال أو يَمنعون دُخولهم آخر الليل .. هالشيء ما نَشوفه إلا بالخليج طَفل سَهران وَ كل أبوه هآلات [ههههههههههههههه حَتى هَنا ما رَحمتهم لازم أجيب طاري الهالات وَ البَشره ] ,, الدَيكور وَ المَكان ~ مَوقعه بالنَسبة لي أستراتيجي آخر التَحليه يَخف تَجمع الشَباب شَويتين هَناك وَ لو أنه بجنب فآنز شوب الهَلال بَس أزين من مَواقع غَيره , سُهولة إيجاد المَواقف ( الباركينق ) وَ هذي نُقطة إيجابية .. دَيزاينه أنا أحب الدَيزاين الشَرقي فما عَندي مَشاكل بَه .. العَيب الوَحيد إنه واضح البارتشن مَكلوفين عليها كَلافه .. فهي إللي مَخربة المَطعم بَنظري وَ لا لو كَل الطاولات مَصفوفة صَح بَيكون آهون .. تَحسين الدَنيا مَبقعه وَ دهاليز وَ لا المَكان حَلو وَ بتلاحظون قَسم العوائل مَشوه بَينما قَسم العزاب وَش حلاته .. اليَوم يوم دَخلت كان فيه تَقريباً أكثر من عَيلتين لبنانية أو سورية مَجتمعين مَثل العَزيمه أو بالأحرى عَيد مَيلاد وَ رَحمت عيله سعوديه بَجنبهم شَوي واحد وَ زوجته ,, وَ تاكل بالبرقع وَ حالتها حاله عاد السَتر زَين وَ الحجاب زَين , بَس مَهوب أزين لو طالب لَزوجته منطقه مُغلقه وَ ريح هالضَعيفه هالعَينات تَسبب الحَرج بالنَسبة لي ,, جالسين بَوسط الناس وَ مُختلفين عَنهم وَ مايتناسق للأمانه أكل وَ برقع وَحشرة.. بَجلس ببيتي أبَرك .. ولا أجلس بَوسط الناس ببرقعي لا أعرف أكل وَ لا أعرف آخذ جَوي ,, خاصة إن بالرياض فيه تَوفر للأماكن المُغلقه لو ببلد ثآني بَقول مآعليه المُهم كَنا ثَلاثة أنا وَ أختي وَ أخوي ,, وَ اليَوم أخوي برآسه أبليس .. يا وَلد ألبس بَنطلون أكشخ لآ ما أبي أكشخ وَ طُول الطَريق وَ حنا رآيحين وَ راجعين وَ أنا أقوله يا أبو سروال وَ فنيله .. وَ هو يَرد أنا حُر وَ هذا اللبس التَقليدي للبَلد وَ إللي مُو عاجبه يَنطق .. [عاد قَلنا خَلاص خَلاص بَس لا تَطلع عُصارة مَعدتك ] ,, المُهم صَرت أهدده يَومياً لو شَفتك بَسروال وَ فنيله بَحط صَورتك بالبي بي .. وَ بتكون عَبرة لَمن لم يَعتبر , يَنحاش مَني .. هُو أخوي الصَغير لَذلك نَمون وَ فيه نُوع من التَسلط ..المُهم أكيد كَلنا عَندنا كَثيرز من أبو سَروال وَ فنيله , الله يَحفظهم أهم شيء يَسمعون الكَلام .. إن شاء الله لَبسوآ كَلوت وَ ستيانه وَش علينا !! طَالما نعيش بَنعمه [ وَ أحب أشَكر إللي أبتدع هالمُصطلح أبو سَروال وَ فنيله جآبها بالصَميم تَدق بالعَرق ] صَورت لُكم السَقف .. هههههههه مَدري وَش أبي به بَس يالله شَوفوا الدَيكور وَ لو أني مَنب مَتحمسه صار قَديم المَطعم , بَس عاد مو كَل يَوم بَينفتح مَطعم .. قَسم أضَحك , أكتشفت ما صَورت الجَلسه .. أقولكم حَول اللهم يَا كافي طايرة عَيوني بالسَقف شَوفوآ هالشيء إللي قآهرني .. هالمنطقة المُغلقة حاطين لَك طاولة أم 4 كرآسي وَ طاولة بجنبها أصَغر أم كَرسيين , لَيه !! يعني مين هالعَيلتين إللي بَيحشرون بَعض .. ما حبيت هالحَركة  هَذي الطَاوله أم كَرسيين وَ الطاولة حَقنا نَسيتهآ ..طَبعاً قالنا تَبون مَوية قَلنا لَأ , حنا الضبان وَش نبي بالمَوية فَأخذ الكآسات من عَندنا وَ خلا البآقي جاب المَنيو , وَ الله المَنيو فَيه كل الأكلات اللبنانيه التَقليديه .. حتى سلطة الروكا فيه وَ فري وَ خرافيش لبنان .. يعني ما خَلوا شيء .. جَيت بَصوره بعدين قَلت ما يَحتاج , يَعني الواحد لما يَروح المَطعم يَقرر بَنفسه وَش بياكل .. وَ هذي نظرة خاطفة جَلسنا نَتمقل , رَجع الوَيترز .. قَلنا لَه بَعد ما خَلصنا , لأن كَنت أقول لأخوي ألحين شَلون أصَور .. مُو مَشغولين بالأكل مَشغولين بالتَصوير ..
|
المطعم اللبناني كرم بيروت || Karam Beirut2017-05-09, 3:35 pm